¶¶ ضحية حب ¶¶

ثاني شي ... أهديكم هذي القصيدة .... كتعريف بضحية حب


هذا ان كنتم تسمحون لي .. بوضع قصائدي المتواضعة امامكم ... ومحاولة مقارعة المبدعين أمثال السهم الملتهب والغالي عاشق الأصفرين .........






[c]ضحية حب [/c]



ضحية حب مكتوبة على قبري إلى من متّ 00 كتبها قلبي الوافي قبل لا يطعنه خلّه

ضحية حب والأشواق لا جابت ولا ودّت 00 دروب الحب تعشقني ودرب الهجر مادلّه

أنا باني قصور الحب وجاها الغدر وانهدّت 00 وانا من حذّر العشاق من غلطة ومن زلّه

وانا عبره في نون العين لا صدّت ولا هلّت 00 وخلّي .. آآآه يا خلّي .. يجرّحني ولا املّه

سهام الغدر مغروسة وسط قلبي ولا انسلّت 00 وروح الروح هو ناري وهو قيظي ونا ظلّه

أشوف الغدر بن وهيل في دلّه بها ظلّت 00 وخلّي .. ما يخلّيني .. يقهويني من الدلّه

رياح الحزن هدّتني خذت منّي ولا خلّت 00 سوى قلبٍ ظناه الشوق يرجي منه بس طلّه

ضحية حب وجروحي لا زادت ولا قلّت 00 انا طعنة حبيبي موت .. وموتي له هو الذلّه



وسلامت قلوبكم يالغالين