شعر عن الخيانه : ثلاث سنين انا اخطط لهذا اليوم يابو سعود!!

ثلاث سنين انا اخطط لهذا اليوم يابوسعود
تيسر حالي وجاهز اوفي وقتي بوعده
وفجأه جتني تتعذر تقول اتاخرت لوعود
وانا مستغرب واسمع كأني وعدها خنته
حسبت انها تمازحني وتتصنع جفا وصدود
ضحكت بوجهها من قلب معنها بايخه النكته
وقالت:ارضا بالواقع قلبي ماهو المعهود
تغير كل شئ صوبك نصيبي مااظن انته
كنت فيوم محبوبي ولكن مااظن نعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود
ترى ماخنتك بغفله ولاكلمته وشفته
صراحه اهلي قالولي بأنه ولد اصل وجود
وجتني امه بالصوره وبكلمات المدح اخته
سكت وقلت ايه فرصه مدام الجود بالموجود
وقالوا كل من حولي علامات الرضى سكته
وانا فكرت دام امه واخته ماعليهم زود
اكيد اني براضيهم اذا وافقت واخترته
واراضي اهلي واخواني مدام ان الفرح بقصود
عطيت الناس انا كلمه ومعاهم وقتي حددته
ولااقدر اغيرها ترى عند العرب منقود
اوافق واعتذر باجر واقول الرأي غيرته
تبي تشرح لي المنقود تصدق عاد يابو سعود
تبيني اقتنع وارضى بحال عمري ماعشته
انا ماني بقايلها عسى يفرش ثراها ورود
بعد ماحطمت قلبي وطعم الموت جربته
عسى فستانها اشواك وفي ثوبه عقارب سود
ونار تحرق الكوشه وتحرق بيتهم حته
وموت بليلة الدخله يبرد حرتي ياكود
ولااحس انها بحضنه يلامس خد لامسته
علي اهون اذا ماتو ولابنفس السرير رقوود
ترا صعب(ن) علي اتخيل اللي ماتخيلته
عسى قاع الثرا يقسى ويتحول صخر جلمود
وحفار القبر يرفض يسوي فوق مقدرته
ترا دفنة عديم الذات تلوع حتى جبد الدود
ومن خان العهود ومات تعافه حتى مقبرته
عسى ربي يجازيهم بحبل(ن) من مسد ممدود
يعلقهم من اطرافه وفوقه نار (ن)وتحته
انا ماني حقود وشين ولاني منس الممرود
ومن حط نفسه بوضعي يقول اللي انا قلته
مدام الفعل له ردت فعل والله ابشري بردود
بدعي دامني حي(ن) وبذرس للدعاء نبته
وبسقيها نزيف القلب ودمع(ن) مارحم لخدود
وتكبر والثمر ثاري من اللي خانني وصنته
انا نذر(ن) علي اكتب وافجر هالقصيد رعود
واسمع كل بشر صوتي عجبته ولازعلته
وردد للي يسمعني اذا حبيت حط حدود
انا حبيت دون حدود وشوف اللي ارتكبته
ثلاث سنين انا ابني وجت صوره بكل برود
خذت مني شقى عمري وحلم(ن) قلت حققته
ثلاث سنين انا اخطط لهذا اليوم يابوسعود
وتوافق من كلام اخته وصوره اربعه × بسته

يسلموووووو

» شعر عن الخيانه : ثلاث سنين انا اخطط لهذا اليوم يابو سعود!!
» ثلاث هدايا مني لكم
» ثلاث أقوال ف حلق اللحية
» خذ ثلاث فوائد من هذه المخلوقات
» كلمات خاطره كتبت ومن داخل قلبها خرجت لا يفوتكم خاطره عن الخيانه نايس